နွီ……………သည်ဆောင်းဟေမာန် ချိန်တန်သူကုန်လို့
နှစ်သစ်ကို ခုန်ကူး ရောက်လတ်ပြန်ပျာယ်...
မရီးချေ၊ မောင်းမောင်ချေရို့ အတာသင်္ကြန်။။။။။။
နှစ်ဟောင်း အဆုံးသတ်လို့ နှစ်သစ်တစ်နှစ်ကို ကူးပြောင်းကြိုဆိုဖို့… ဒေရာသီနွီက လွမ်းစရာ၊ မောစရာ၊ အတိတ်ကဒါဏ်ရာ၊
မျှော်လင့်ချက်၊ မမြင်နိုင်ရေ ကံကြမ္မာ အိုးးးးးးးးးးးအို... အများကြီးအများကြီး သူက ယူဆောင်လာပါရေ။
+++
ရာသီနွီ… ဒေအချိန်ကိုဆိုကေ အဘုချေတိအကြိုက်ဆုံး…။ ကျောင်းပိတ်ရက်လေ... ပူရမှန်း ဇာကသိဖို့။ အိမ်မကပ်၊ ယာမကပ် မျောက်ယှူံးအောင် ကဇတ်ကတ်တေ။ ကြွီချေကောက်တမ်း၊ ထုတ်ဆီးထိုးတမ်း၊
ပုန်းတမ်းဝှက်တမ်း၊ မုန့်ရောင်းတမ်း အစုံပါ့။
ရုံးသမား၊ ကန်းသမားတိ၊ အစိုးရဝန်ထမ်းတိ၊ အလုပ်သမားတိ၊
လယ်သျှင်၊ ပိုက်သျှင်တိလေ့ ဒေအချိန်ဆို နားကတ်ဖို့ထင်ရေ။ ပူရပင်ရရေ၊ ရုန်းရကန်ရရေ တစ်နှစ်လုံး။ သားချေစားဖို့ သမီးချေစားဖို့ အဖအအို၊ အမိအအိုအတွက် ဆီးဖိုး၊ ပေါင်တတုတ်၊လက်တတုတ်ထိုင်စားကတ်တေ ဝမ်းရီဆာတိလေ့ ကတ်လို့ပါချင်ပါဖို့သိ။
အကျွန်ရို့ အချေခါဆိုကေ စစ်တွေမှာက အိမ်တိမှာ ဆန်ဆီဆားငြုပ်၊ ကြက်သွန်တိကို သင်္ကြန်မကျခင် အယင်ဖြည့်ထားကတ်ရရေဆိုယင့်။ သင်္ကြန်တွင်းဈီးခက်တေဆိုဝါ။ အတွက်ပေါ်မိယင့်ထော မေမေနန့်ယင်းခါ စစ်တွေ ဈီးကြီးမာ သားအမိနှစ်ယောက် ချော့ပင်း ထွက်ကတ်တေ ဆိုက်ကားနန့်။
ရွာတိမာဆိုကေတော့ခါ မြင်ခဖူးပါယင့် ဘုန်းကြီးကျောင်းတိမာလူတိစုနီကတ်ယာ။ အလှူအတန်း အချက်၊ အပြုတ်တိ အတွက်။ မျက်ရိပ်လေ့ ပြစရာမလို မျက်ခြီလေ့ ပြစရာမလို မောင်းထောင်း၊ တုန်းထုစရာမလိုဘဲ အသျှိုသျှို ကိုယ့်အသိနှင့်
ကိုယ် ရောက်လာကတ်ပါယင့်။
အသက်တိကြီးယာပျာယ်… ။ ရခိုင်ပြည်ခါပါ့.. အပျိုပေါက်စချေဘဝ ရန်ကုန်ရွှီမြို့တော်ကြီးမာပါ့။ အမှတ်တရချေတိ၊ အတွိအကြုံတိ၊ပြောစရာ ချေတိ မကန်ဟိကတ်ပါရေ လူတိုင်းလူတိုင်းမာ။ စိတ်ထဲတိမှာ ဓါတ်ပုံတိ တဖြတ်..ဖြတ် ရိုက်ထားရေပိုင် စဉ်းစား
လိုက်ကေ ကွင်းခနန့်.. ကွင်းခနန့် ပေါ်လာပါရေ။
ယင်းတွက် သင်္ကြန်အမှတ်တရ အနီနန့် အကျွန်ရခိုင်သမီးပျို
မှတ်မိသမျှချေတိကို ချရီးလိုက်ချင်သိမ့်ရေ။
+++
အိုးလူရို့……… အိမ်ကို အောင့်မိလိုက်တေနန်း။ အကျွန်သင်္ကြန်ကျတိုင်း အိမ် နန့် မိဘညီအကိုမောင်နှမတိနန့် ဝီးနီရရေအချိန်ကာလစွာ သုံးနှစ်ဟိလားပါပျာယ်။ အခြားလူတိနန့် နှိုင်းစာလိုက်ကေတော့ အနည်းချေရာပါသိ့။ ယေဒါလေ့ ကိုယ့်ပိုင် အားငယ်တတ်တေ
သမီးပျိုတယောက်အတွက်တော့ခါ ငရဲမက ပူလောင်ကြီးကျလွန်းပါရေ။
သြော် သုခ.. သုခ .. အသက်ကြီးလာကေ မိဖနန့် ခွဲခွာရရေ၊ မောင်နှမတိနန့် ခွဲခွာရရေ၊ ချစ်ဦးသူချေတိနန့် ခွဲခွာရရေ။ ရင်နာကောင်းထမန်း။ ပြည်ရခိုင်မှာငါ့ချစ်သူချေ စစ်သားတိရီလောင်းစော်များခံနလီရဖို့လား သင်္ကြန်.. ငါတောင်မလောင်း ဖူးသိ့။။။။။။။။ (တချို့မောင်းမောင်ရို့ မစိုးရိမ်ဘဲဟိဖို့လား..ဒေပိုင်)
ဂုအကျွန်က ရန်ကုန်မှာ ရိုးလွန်းအားကြီးရေ အမိရင်ခွင်မှာကြီးလို့
အဆင်အပြင် ဖက်စိတ်မရောက်၊ အချစ်ရီးအချစ်ရာ ဘာညာကွီကွ စိတ်မရောက်ဘဲ တစာစာ (ဂျကန်းတော့မဟုတ်ပါ) ပညာရှာလာရစွာ…….အိခ်ျ!!! ပျင်းကောင်းထမန်း!!! အပျိုချေရာမနား ဒေအချိန်မလှကေ ဇာအချိန်ခါလားလို့ လှခီရဖို့လ။ဲ ဒေအချိန်စိတ်ကူးမယဉ်ကေ ဇာအချိန်ခါစိတ်ကူးယဉ်ခီရဖို့လေး……။။ (စောတကတက်စော်တိ စောတကတက်စော်တိ) နီအုံ့သိ ကောင်းပြောချင်နီရေ ဒေအချစ်အကြောင်း။ နောက်ဆုံးမှ ပရိသတ်လေ ရှူစားတော်မူပါ။။။
+++
“ဒေ..ဇိချေမလေ လူကရာငယ်ရေ ကကောင်းအလှလိုစော်မနား”
“…..ပဲကလဲ များသလားမမိန်းကေ့….”
ဟမ်း..မကြားလိုက်ပဲနီဖို့လား..ဒေအခြင်းနှက်သံကို..ဇိချေမရာမှတ်။ ကမ္ဘာနားပါးယင့်။ လူရို့ပြောကတ်တေယေ အခြင်း ။ အချေကိုတောင်မချန်ကတ်။ အကျွန်အချေခါ မေမေညီမတိက အပျိုသိ့။ ကောင်းအလှပတိ။ အကျွန်က သူရို့နန့်တ တူ အိမ်ရှိမင်းဘာကြီးလမ်းခွဆုံက မဏ္ဍပ်မာ ရီကစပ်တေ နှစ်တိုင်း..။
ကောင်းလောင်းကတ်တေမြင်ယင့် လပျိုချေတိ
သူရို့ကို။ မိတ္တာရီမှန်းဇာ မှန်းညာမှန်းလဲမသိ..ဘေးကအရီးကြာဖြူဆိုင်က ကြာဆံသုတ်ခေါက်ဆွဲသုတ်တိကို စီရာ လျှာရည်ကျနီစွာ အိုင်း..တခုရာ..သူရို့ကတစ်ရက်မှာတခါရာအလှဆင်ရေ။ အကျွန်က ရီတဖလားနှစ်ဖလားစွတ်လို့ နှုခမ်းဆိုး စကေပြယ်လားစွာနန့် လားဗျလ်အလှဆင်ဖို့....အနည်းဆုံး (၅)ခါလောက်တော့ကျဖို့ထင်ရေ အလှဆင်စွာ တစ်ရက်ကို။ ယင်းတွက်ထွီးထွီးရို့မာမာရို့က မိတ်ကပ်တိဘာတိကို
နောက်ဆိုဝှက်ထားကတ်တေ။
မေမေက သင်္ကြန်အလယ်နိမာ ဆတ်နံ ချက်ပါရေ။ ယေကေ ရခိုင်ရို့ ထုံးစံအ တိုင်း
အိမ်တိကိုလိုက်လို့ ဝီပီးရပါရေ။ အကျွန်လောက်အအိပ်ကြီးရေ မ၊မက အင်္ကျီ
အသစ်၊ ဖိနပ်အသစ်နန့် ပဲများရဖို့လို့
စစောထလိုက်တေ အိပ်ရာက ။ မုန့်တောင်မကျက်သိ အကျွန်က ဆင်ပြီးနီပျာယ်……။ တော်ရေနန်း အစွာမှာ ရခိုင်သမတိက
အလှမကြိုက် ပုံတုံးလို့ ပြောကတ်တေ.. ကြည့်ဖိချ အကျွန်ဆိုကေ ပိစိကလောင်ချေ သိ့်။။။
+++
ဘာဘာကောင်းမှုနန့် ဘူးသီးတောင်မဏ္ဍပ်မှာတော့ခါ ဆယ်တန်းပြီးလောက်ကပင် သုံးနှစ်မဏ္ဍပ်ဝင်ဖူးပါရေ။ အူးးးးးးယင်းခါ ရှက်ဖို့သီအောင်တတ်နီယာ။
ရီလောင်းဖို့ခေါ်မရလို့၊ ပုန်းနီလို့ မဏ္ဍပ်သျှင်မတိမာန်ပါကတ်နန့်။ ပြောခရေပိုင် ရန်ကုန်မာကြီးလာရေ မေမေ လောင်းရိပ်အောက်မာ နီရရေခါ မိတ်ကပ်လေ့မလိမ်းတတ် နှုခမ်းဆိုးလေ့မဆိုးတတ်နန့် မဏ္ဍပ်ဝင် အလှတိအပတိ၊ ပပဝတီတိကြား မာ အကျွန်က မင်းကုသ ညီမယောင်ယောင် ရှက်ပါရေနန်းရာ။
ယေဒါလေ့သွင့် ကျေးဇူးအနုမောဒနာတင်ဟိပါရေ။ ရန်ကုန်သိမ်ဖြူကွင်းမှာသုံးကြိမ်ရီလောင်းမဏ္ဍပ် ဝင်ခရေအတွိအကြုံရေ အကျွန် ၂၀၀၉၊၂၀၁၀ နှစ်တိမာပညာဒါန လားလို့ပို့ချရေခါ ကောင်းအသုံးဝင်လားစော်ပါမနား။ ဘဝသစ်ကျေးရွာလို့ခေါ်ရေ ရခိုင်ပြည်အဝီးရောက် ရခိုင်သားတိရေ ရခိုင်စကားကလွဲလို့ ကျန်ရေ အမျိုးသားရီး လက္ခဏာတိ ယဉ်ကျေးမှုထုံးတမ်းစဉ်လာတိ ခြောက်သွိပျက်သုန်းပနာ ဇာနန့်တူလေဆိုကေ………. အသီးအရွက်ဝဝီဆဆာမဟိရေ သစ်ခြောက်ပင်နန့်လားလို့သဏ္ဍာန်တူနီပါရေ။
ယေခါ အကျွန်ရို့သင်္ကြန်ချဖို့ နံသာသွီးပွဲကျင်းပဖို့ ဘုရားရီချိုးဖို့ စရေအဆင့်ဆင့်ကို စနစ်တကျ နှနှစ်ဆက်တိုက် ရွာသူရွာသား၊ကျောင်းသူကျောင်းသားတိ အင်အားနန့် ကကောင်းအားရပါးရ စစည်ကကား မဏ္ဍပ်နန့် လောင်းနန့်သင်္ကြန်ဖွင့်ပွဲတိ နန့် သသိုက်မြမြိုက် ကျင်းပနိုင်ခရေ။
ရခိုင်စာပီနန့်ယဉ်ကျေးမှုအဖွဲ့ကထုတ်တေ ရခိုင်ရိုးရာ သင်္ကြန်ပွဲတော် လက်ကမ်းကြော်ငြာစာစောင်ချေကြောင့် အကျွန်ရေ..နံသာသွီးပွဲနန့် သင်္ကြန်မဏ္ဍပ်ဖွင့်ပွဲနိ့တိမှာ ရခိုင်သူရခိုင်သားတိ အလယ်မှာ ရခိုင်ရို့ဧ့ သင်္ကြန်ဆိုရေအဓိပ္ပါယ်၊ သင်္ကြန်ဖြစ်ပေါ်လာပုံသမိုင်း၊နံသာသွီးပွဲဆိုစော်ဇာလေ ဇာကြောင့်နံသာသွီးရလေ ဘုရားဇာကြောင့်ရီချိုးရလေ အစဟိစွာတိကို ယှင်းပြပြောဆိုခွင့်ရခရေအတွက် အကျွန်ရို့ရခိုင်ပြည်အဝီးရောက် ရခိုင်သားတိရေ မိမိရို့မှာ ဒေပိုင်ချစ်ဖို့ကောင်းရေ ရိုးရာတိကို ပျော်ပျော်ရွှင်ရွှင် ဆင်နွဲခွင့်ရကတ်တေ။ အကျွန်လေ့ပျော်တောင်ကဖို့လား တပည့်မချေတိ ကကတ်ပါစီကြောင်း ကိုယ်လေ့တစ်ခါ လေ့မကဖူး…ဝင်ကရရေ…ကောင်းရယ်ရရေပျော်ဖို့လေ့ကောင်းပါရေ။
ယင်းချင့်နန့်မလုံလောက်ပါသိ။ အကျွန်ရို့မိတ္တာ ရီလောင်းရေသရုပ်သဏ္ဍာန်ကို ပြရပါရေ။ အဆင့်ဆင့် ဇာပိုင်လောင်းရရေ။ လူပျိုက အပျိုကိုဇာပိုင်ချစ်ကြောင်း၊ဇာလောက်ချစ်ကြောင်း၊ မိတ္တာအကြောင်းတိကို သင်္ကြန်မှာ ဖွင့်ဟနိုင်ကြောင်း၊ ရွာသားချေ၊ ရွာသမချေတိ ရင်တိနှလုံးတိ ခုန်လားအောင်ထိ စွမ်းဆောင်ခ ကတ်ရပါသိ ရေ။ အဘာ….ရွာက လပျိုသိုးတိကိုများအထင်လားပနာအယင်မငယ်လိုက်ပါကေ့။
ဇာအချိန်က တိုက်ထားရေ သံချပ်တိ နန့်မသိ အကျွန်ရို့အပျိုတစ်သိုက်ကို လာလို့ခနဲ့ခကတ်ပါသိရေ။
….မှတ်မိသိ့ရေ…ဇာဟင့်....
“ချဉ်စိုနံရေ အိမ်ကဝါကြီးမ” “နိဗ္ဗာန်မှာလေ ဗိုကင်လုပ်ပြီးသား”
၂၀၀၈ ခုနှစ်ကတော့ခါ ဘဝမာ အအီးချမ်းဆုံးကာလလို့ပြောလို့ရပါရေ။ သင်္ကြန်တွင်း ၁၁ ရက်မှာ ဘာဘာနောင့်တတူ ဒုလ္လဘ ရဟန်းခံပနာ သာသနာရိပ်ကို ခိုလှုံခကတ်ပါရေ။
+++
ထော..ဂုလေ့ကြည့် ဒေနှစ်သင်္ကြန် ကျပြန်ဖို့ပျာယ်။ အပျိုချေတိ၊ လူပျိုချေတိ ဘေးဘေ ရို့၊ အရီးချေရို့အားလုံး
လှုပ်လှုပ်ရွရွ ဖြစ်လာကတ်ပျာယ်။ အိမ်ကိုပြန်ရေလူကပြန်.. မပြန်ရရေလူတိကမပြန်ရ..ကိုယ့်နီရပ်မှာမဟုတ်လို့
ဗွီဒီယိုကြည့်ပနာ အလွမ်းဖြေရေလူကဖြေ…။ အင်း..သုခ ..သုခ။ မျန်မာနိုင်ငံတော်သားများဧ့ဘဝ။
“ သူ့မျက်နှာ နံ့သာရောင် ပပဝတီတောင်ယှူံးရပါယင့် နှစ်သစ်မှာတိုင်းရက္ခ အတိုင်းအဆမဟိ အီးချမ်းစီကြောင်းပါ..ဝေ...
လေ... လေ... လေ...
အသူ့သမီးမဆိုနိုင် လပျိုတကျိုင်ဝိုင်းဝိုင်းလည်လို့ ”
“ ကိုကိုတယောက်ပျောက်လို့နီ မျှော်သူမော
ဒေါသပိုမိ ငိုချင်စိတ်နန့် မျက်ရည်စို… ဘဇောင်လဲကိုကို...
စိတ်ကူးဆတ်ဖို့ကောင်းလိုက်တေ
ဒေအချိုး.. မကြိုက်နှင်းကိုကို ”
“ မိတ္တာရီတပေါက်လောင်းချင်သိ့ရေ.. မင်းဖလားနန့်လောင်းရစီပလင် ”
“ မဏ္ဍပ်တကာ လောင်းကြီးထဲမာ ရီကိုဖြည့်လို့လေ ဆင်တူဝတ်စုံဝတ်ပြီးကေ
အတာရီလောင်းကတ်စွာ စိတ်ဘဝင်တိရွှင်လန်းစီပါရေ…အယင်ကသင်္ကြန်ပြန်လွမ်းမိပါရေ ”
“ ရီမွန်းလားပျာယ်လား.. ချမ်းလို့စကားမပြောစွာလာ.. မင်းချစ်သူက စောင့်ယက်ကြည့်နီလို့ရာလာဝေ… မင်းမျက်နှာကနီမြန်းလို့ ရှက်သွီးဖြာစွာလား ”
“ ခွင့်ပြုပါမေမေ ကိုယ့်ရိုးရာမပျက်ရအောင်..
ကျောင်းပိတ်ရက်မာမပျင်းရအောင်
မဏ္ဍပ်ဝင်ဖို့ခွင့်ပြုပါမေမေ ”
“ ဒေမဏ္ဍပ်ထဲမှာ လူလေ့မသျှိ လတာတိုး လတာတိုး
……………….။။ ”
ဆိုင်းသံဗုံသံ၊
ပတ်တလားသံတိ..
အခန်းချေအငယ်ချေထဲကနီလို့ ကြားနီရစွာ…. သြော်.. သုခ.. သုခ.. ကံကောင်းလို့
ကွန်ပြူတာတလုံးဟိနီလို့ မဟုတ်ကေ သင်္ကြန်အနံ့တောင်
ရနိုင်ဖို့မဟုတ်။
“ကိုင်း..
ရခိုင်သမီးပျိုမာ နောက်ဆုံးအပိုက်ရောက်ပျာယ် ဇတ်သိမ်းပိုင်းရောက်ပျာယ်….၊ အစွာ ပိုင်သိမ်းဖို့ရောင်ဇတ်က”
ကွေကွင်းရရေ ချစ်သူတိအကြောင်း..မချစ်လိုက်ရဘဲ ဝီးလားရရေ ချစ်သူတိအကြောင်း … ယေဟာချေတိကို နှလုံးသားကအချစ်စိတ်တိ နိုးကြားလာရေအထိ ကြည့်နီ ဖွဲ့ပလိုက်မေ ကား..။
အဟမ်း…အဟမ်း…..။။။။
အဝေချစ်သူ.. အံ့သြစရာမင်းနန့်ငါကံကြမ္မာက သင်္ကြန်မာ နှစ်ယောက်တတူ တခါလေ့
ပျော်ပွဲမနွဲရသိ့ဝါယေနန့်။ မင်းဘုန်းကြီးဝတ်တေအချိန်
ငါကမဏ္ဍပ်ဝင်ရေ။ ငါသီလသျှင်ဝတ် တေခါ မင်းကသင်္ကြန်ကျရေနန်း။ ငါရွာတိကို
လားရရေအချိန်တိမာတော့ခါ ပြောမနီကေ့ဖိ..
ငါကရွာသားချေတိနန့်ပါ့………။
(အဂင့်မဟုတ်ပါဝေ.. စစွာရာ)
လွမ်းချိန် နွမ်းချိန်တောင် မရ လိုက်ပါချစ်သူ..။ ယင်းနှစ်တိက အချိန်တိ ငါ့တပည့်ချေတပန်းချေတိနန့်
ပြည့်နီလို့။
ယေကေ ဇာရဖို့ဒေနှစ်စာမေးပွဲလေ့ပြီး အအီးသသာဆိုခါ
လွမ်းကွန်ဆောင်လို့ လွမ်းပြချင်ရေ။ ချစ်သူငါ့မှာလုပ်စရာအလုပ်မဟိလို့ရာ။
မင်းကတော့ခါ ကိုယ့်ပြည်ကိုယ့်ရွာမှာ ကိုယ့်လူမျိုးတိကို
အသိတိ၊ ပညာတိ မျှဝီပီးဖို့ တာဝန်ယူ လားရေပါ့ ဒေနှစ်။ ငါမြင်နီယင့် ရွာက ကလိမ့်မေချေတိရှိမှာ ပဲများနီဖို့စွာကို။ အစကပင် မင်းက မမချေတရှိရောက်ကေ ဂိုက်က တစ်ပိဿာနန့်လေ။
နောက်နှစ်တိများ
သင်္ကြန်မာဆုံတွိဖြစ်ကေ မိတ္တာရီချေတပေါက်လောက်တော့ခါ နှဖူးစာ ဂဟေဆက်ဖို့
အကျွန့်ပက်ခုံးထက်ချေ မောင်က ငွီဖလားနန့် သွန်းလောင်းပီးပါ။ ခေါင်းငုံ့လို့ ဟြက်ပြုံး
ပြုံးပြလိုက်ကေ သိလိုက်ဖိ..
ချစ်သူ။ တသက်စာအတွက် နှလုံးသားကို ဆက်သ လိုက်စွာဖြစ်တေ။
သင်္ကြန်ရက်မြတ်အလွန်မာ မောင်နန့် မေ လက်ထပ်ကတ်ပါမေ။
ကျော့ကြာညို(ရခိုင်သမီးပျို)
၀၅၊၀၄၊၂၀၁၁
