မဲ့ပြုံး

ဘဇောင်ပိုင်ပင် ပြင်ဆင်လို့ပြုံးပြလီလေ 
မဲ့လိုက်တေအမဲ့ 
ယွဲ့လို့ပင်နိန်ရေ

လှလိုက်ပုံကတော့ခါ
ကိုယ့်ရင်မှာ
ဂန္ဓ၀င်လို့ သာဓကကျူးလိုက်မိရေ။

ဘဇောင်အရီမျိုးကိုမှ ရထားလီလေ
ဝင်းလိုက်တေ အ၀င်း
လဲ့လို့ပင်နိန်ရေ
မွီ့နီလိုက်ပုံကတော့ခါ
ကိုယ့်စိတ်မှာ
ကတ္တီပါလားလို့ အမှတ်မှားလိုက်မိရေ။

လောကကြီးလေ.....
သူရယ်လိုက်တေခါ
ချစ်မွှီးပါရေလို့ ဆိုရလီဖို့လား
ပါးချေနှစ်ဖက် တဖက်စီကို
လေးဆယ့်ငါးဒီဂရီ စောင်းတက်လားစော်
သိလာ......
ဆောင်းဥတု နိန့်ခင်းတရက်
နီသွီးနုနန့်သပ်အကျမှာ
အလင်းပြန်ခြင်း တစက္ကန့်အတွင်း
မျက်စိမျက်နှာတ၀ိုက် ၀င်တိုက်မိစော်တောင်
အဘာ..ထထူးဆဆန်း
အသက်ရှုသံပင်မနေရာက ဆဲလ်တိ
တဒိန်းဒိန်းမြည်ဗနာ တုန်လားရေကာ
ဂျွန်နာ့ခ်ျသီအိုရီလား ကိုယ့်သီအိုရီလားဂု။

အဝေ..အားလုံးခြုံပြောရကေ
သူ့မဲ့ပြဲုးကို ကိုယ်အကြိုက်ဆုံး
လီယိုနာဒို ပြိုင်လာပတ်စီအုံး
ယင်းသူကို အရူံးတလုံးပီးလိုက်မေ
သူ တချက်အမဲ့မှာ
ကိုယ့်သီလတိ စမ်းမတွီ့လိုက်လို့ယေ။

ကျော့ကြာညို (ရခိုင်သမီးပျို)
၁၇.၀၁.၂၀၁၂

* This Poem is Published in The Arakan International 14th*